إياك وخيبه الأمل
------------
فراعين زمان اشتكوا من جهلنا يابا
علشان أبونا سكت لما بقت غابه
ولما قلنا خلاص الثوره هتغير
جبنا اللى كانوا قطط وأصبحوا ديابه
-------------
كان نفسى يجى دكر أصل خلفها بنات
والكرسى عايز ولد .. فاهم هوى الستات
يصنع بأيده التاريخ يبقى كما يوسف
أصل العجاف فى المنام يمكن يزيد سنوات
-------------
والعيبة مش فى الحريم أصل الحريم بالذات
إن كان راجلها أسد الشبل مش شحات
والشبل لو تنظره يشبه أبوه لازم
أما الدكر لو خاب أرحم لأبوه إن مات
-------------
أيوب يا صابر هنا ادعى الإله ما تخاف
عارفك ودين النبى لكن اللى جاى دا عجاف
وإن كنت تقدر كمان اصبر على البلوى
لكن الضعيف فى الإيمان بكفر فى يوم لو خاف
------------
يامصرى زوجتك خلاص عدت سنين الحيض
والفرخه لو كَسَّحِتْ بين العُتَقْ ما تْبِيض
لكن الإله لو أمر .. يرزق بدون أسباب
بس أنت جرب معاه لو كنت يوم بتريد
-------------
يا نوح .. فى ألف سنه .. قبل الطوفان مليت
تدعى اللى قفلوا الودان غطوا الوشوش بالخيط
ابنك وأبوه كان نبى مرضيش فى يوم يسمع
علشان نقول للغبى .. بكره تقولها ياريت
-------------
آدم يا أول بشر شاف النعيم بالعين
إزاى بصحبة مَرَه تعصو الإله الاثنين
إن كان بأمر الإله أمر الإله نافذ
ولا أنت أصلك كده لازم تعيش فى الطين
-------------
فرعون ياموسى نداك وقت الغرق أرجوك
آمنت باللى فداك م القتل أنت وأخوك
وإن كنت فاكر زمان فى حجرى ربيتك
خلى الإله لو رضى أبقى فى يوم مملوك
-------------
يا مصر تلاتين سنة واقف على حدودك
رأسى بعلو الهرم وعبايتى من جودك
ربيت فى صدرى الحمام للقبطى والمسلم
لكن رُفَات جثتى شاهد على وجودك
-----------
فراعين زمان اشتكوا من جهلنا يابا
علشان أبونا سكت لما بقت غابه
ولما قلنا خلاص الثوره هتغير
جبنا اللى كانوا قطط وأصبحوا ديابه
-------------
كان نفسى يجى دكر أصل خلفها بنات
والكرسى عايز ولد .. فاهم هوى الستات
يصنع بأيده التاريخ يبقى كما يوسف
أصل العجاف فى المنام يمكن يزيد سنوات
-------------
والعيبة مش فى الحريم أصل الحريم بالذات
إن كان راجلها أسد الشبل مش شحات
والشبل لو تنظره يشبه أبوه لازم
أما الدكر لو خاب أرحم لأبوه إن مات
-------------
أيوب يا صابر هنا ادعى الإله ما تخاف
عارفك ودين النبى لكن اللى جاى دا عجاف
وإن كنت تقدر كمان اصبر على البلوى
لكن الضعيف فى الإيمان بكفر فى يوم لو خاف
------------
يامصرى زوجتك خلاص عدت سنين الحيض
والفرخه لو كَسَّحِتْ بين العُتَقْ ما تْبِيض
لكن الإله لو أمر .. يرزق بدون أسباب
بس أنت جرب معاه لو كنت يوم بتريد
-------------
يا نوح .. فى ألف سنه .. قبل الطوفان مليت
تدعى اللى قفلوا الودان غطوا الوشوش بالخيط
ابنك وأبوه كان نبى مرضيش فى يوم يسمع
علشان نقول للغبى .. بكره تقولها ياريت
-------------
آدم يا أول بشر شاف النعيم بالعين
إزاى بصحبة مَرَه تعصو الإله الاثنين
إن كان بأمر الإله أمر الإله نافذ
ولا أنت أصلك كده لازم تعيش فى الطين
-------------
فرعون ياموسى نداك وقت الغرق أرجوك
آمنت باللى فداك م القتل أنت وأخوك
وإن كنت فاكر زمان فى حجرى ربيتك
خلى الإله لو رضى أبقى فى يوم مملوك
-------------
يا مصر تلاتين سنة واقف على حدودك
رأسى بعلو الهرم وعبايتى من جودك
ربيت فى صدرى الحمام للقبطى والمسلم
لكن رُفَات جثتى شاهد على وجودك
-----------
