فاكراك مش ناسياك
لسة بحبك..
زى مااول يوم قابلتك
لسة حبيبى بعمرى شارياك
لسة بسأل ياحبيبى عنك
واتمنى يقولولى انك
عايش بعدى متهنى ومرتاح
لسة حبك ساكن جوايا
ابكى بحبك ينزف هوايا
وأسال ف نفسى لية النهايه
تكون وداع؟
الاقى جرحك فيا يبكى
ارفع ايديا لربى اشكى
والاقى قلبى بيقول سماح
ومهما تبعد ويموت ضميرك
ويقولو حبيبك بئة لغيرك
عمر القلب ف يوم مانساك
بفتكرك ف كل لحظة غروب وشروق
واحس قلبى ف هواك يدوب ويقول ياشوق
اسرح واشوفك قدامى يادوب مافيش ثوانى
ومن وهمى افوء
ارفع ايديا وابص للسما فوق
واقول يارب تكون بخير
بفتكرك كل مااشوف اتنين
ماشين ف ايدين بعض ماسكين
احساسهم باين عليهم
بيقولوا كلامهم بعنيهم
زى ماكنا انا وانت ف يوم
بينا وعود وكلام مافيهوش لوم
واحس بخوف ليضيع منهم الهوا
ويضيعوا مايبقوش سوا
ويزيد جواهم زينا الهموم
ويتحرق قلبى من كلامك ووعود كتير
بفتكرك لما يجى الخريف
يموت ورود الربيع
ازاى تبيع
واحس قلبى عاش ربيعة ف عز خريفة
كأنة تايه ف صيف وشتا
بين الرياح وبين الدفا
بفتكرك ف طريق وغنوة
ونظرة وكلمة كانت تطمن
دلوقتى يمكن
تكون نسيتها
ادى نهايتها
اوتار بتعزف
وقلوب بتنزف
ومش بنساك
من تاليف : KiNg SaMeH
