عندي عتاب بس وي روحي مو وياك

عندي عتاب بس وي روحي مو وياك
اريد اليوم اكعد ساعه وي اني
عاشرتك بليل وشمعه الك ظويت
وحتى تشوف انته احرك بكيعاني
ظكت طعمك ملح والجسد كله جروح
وافز كلي انلجم لو صدفه ذراني
صرت لاجلك سفينه بنص بحر مجنون
وذراعي شراع وانته سفاني
هداهه التعب ذرعاني ابد مشكيت
وظلت سور الك ما بجت ذرعاني
وبليلك اغني من الشعر انواع
واكتبلك قصائد واكتم اشجاني
وتمنيت اسمع كلمه منك يوم
بس كلمة احبك تمحي احزاني
تانيتك فرح ما كنت اظن بيوم
على موال هجرك اسمع الحاني
يا حب انولد وياي بالكاروك
واظن اسمك طبعته بقطعة اكفاني
يا قاتل جميلك كمله ومعروف
سويلي بحياتك وانكر احساني
من تقتلني اريدن لحظه قبل الموت
اذوب بطعم شفتك حتى ما اعاني
لاني لو ظكتهم انسه حتى الموت
ويمكن من جديد ارجع عمر ثاني

ششكرا لك
تغنينا بما امتعتنا به من ابداعات
بارك الله فيك
لا تحرمنا ابداعك

عفـوآا واجبــي..|}

سلمت يمناك على موضوعك الأكثر من رائع

دام نبض قلمك

في كل يوم يزداد تألقكِ

ومع كل مشاركة من مشاركاتك

تأخذينا بعيد هناك لنسير بين جمال

الحروف ودقة المعاني وجودة الكلمات

اشكرك كل الشكر علي روائعك التي تتحفينا بها

واتمني لك مزيدا من التقدم والابداع