يوميات الاهلى فى الدورى الانجليزى

احكي لكم القصة من الأول


بدأ الموضوع وأنا كنت في انجلترا كنت رايح اعمل شوبنج كدة وراجع علي طول


المهم أنا كنت هناك


وكنت بشتري كورة اديداس وكانت اخر قطعة


لسة بسأل عن السعر لقيت التليفون بيرن


مين الـ.....اللي بيكلم دلوقتي ده


لقيت واحد بيقولي بسرعة روح قدم طلب عاوزين نلعب في الدوري الانجليزي


طب وانا مالي


يا عم احمد انت مش اهلاوي


قلت ايوة ايه دخل الاهلي بالموضوع


قالي روح قدم طلب للأهلي انه يلعب في الدوري الانجليزي


وهنا بدأت الحكاية


كل الكلام الجاي بقي بالانجليزي يعني مترجم


وانا بقدم الطلب لقيت هناك بيكهام كان بيخلص شوية ورق كدة


قلتله:بيكهام حبيبي


قالي:ايه دهاحمد !!!فينك من زمان يا راجل

محدش بيشوفك ليه-كل ده طبعاً كان بالانجليزي-ازيك عامل ايه


انا قلت:انت بتعمل ايه هنا بس


قالي :ابدا كنت بخلص شوية ورق كدة وراجع امريكا علي طول...وانت بتعمل ايه هنا


قلتله:راي
اقدم طلب ان الاهلي يلعب في الدوري النجليزي اصلنا زهقنا من الدوري المصري
محدش عارف يغلبنا اهو يمكن لما نيجي انجلترا نتغلب

واهو منه نلعب في دوري ابطال اوروبا


قالي:عندك
حق...بقولك ايه انا عاوز العب في الأهلي اصلي زهقت من جالاكسي الناس دي
شكلهم كدة بيضحكوا عليا ومشفتش منهم ولا مليم لحد دلوقتي واهو منه اخد
بطولات بقي


قلتله:قشطة...يبقي تنزل معايا مصر وتتفاوض مع الخطيب وحسن حمدي ... دول حبايبي


قالي:ماشي


المهم انا دخلت لرئيس الاتحاد قالي:احمد انت فين من زمان يا راجل


قلتله:معلش عاوزين نلعب في الدوري الانجليزي بس خلصلي ورقي بسرعة الله يخليك


قالي:معلش والله ... روح لبلاتر ده حبيبي


قلتله:لا عادي اروحله وماله ما انا فاضي اصلي...ماشي يا سيدي بس المرة الجاية يا ريت تكون فاضي عشان مش حتعدي علي خير


انا بقي خدت بيكهام وروحت زيونخ


وانا ماشي في الشارع انا وبيكهام الناس قعدت تقول:هو مين اللي ماشي مع احمد ده


المهم وصلنا لمقر الفيفا لقيت بلاتر كان طالع بالصدفة عنده حموضة فبيجيب سفن اب كانز


قالي : الله فينك من زمان يا احمد ...يا مليون خطوة عزيزة... ومين اللي معاك ده


قلتله:ده بيكهام يا بلاتر انت نسيت ولا ايه


قالي:تسدأ فعلاً بيكهام..مش مهم..انا كنت رايح اجيب سفن اجيبلك معايا؟؟


قلتله:بس انا اللي حدفع


قالي:ماشي يا سيدي..والكابتن حيشرب حاجة...قلتلي ده مين


قلتله:ده بيكهام يا بلاتر


قالي:اه صح فعلاً ده انت لسة قايلي...بس ايه الفرص السعيدة دي


المهم واحنا قاعدين نشرب سفن قدام الكشك اللي قدام مقر الفيفا


بلاتر قالي:وايه سر الزيارة العزيزة دي


بيكهام قال:عزيزة دي تبقي....ههههههه


بلاتر قام قايل:لذيذ اوي الكابتن ده...ده بيكهام مش كدة


قلتله:سيبك بقي من بيكهام وعزيزة وخلينا في المهم...احنا دلوقتي عاوزين الأهلي يلعب في الدوري الانجليزي...ايه النظام؟؟؟


قالي:يلعب يا باشا..يلعب...ميلعبش ليه..طالما الاهلي عاوز يلعب في الدوري الانجليزي يبقي لازم ولا مؤاخذه نلعبه


رجعت بقي انا وبيكهام مصر وقعدت انا وهو الكابتن حسن حمدي عشان نشوف ايه الكلام...بيكهام حيلعب في الأهلي ولا لأ


معلش بقا اصل رقبتى بتوجعنى وان شاء الله اكملكم الحلقة التانية

لمتابعة باقى الحلقات
يوميات الاهلى فى الدورى الانجليزى

Egy Ghost كتب:

ههههههههههههههههههههههههههههههههههههههههههههههههه


لو انت اللى بتألف القصص دى ( فأنتا تبقا ماشاء الله فنااااااااااااااااااااااان )


وبجد كنت همووووووووووووووووت من الضحك

عسسسسسسسسسسسسسسسسسسسسسسسسسسسسسسسل


من فضلكـ أحذف الرابط اللى بالموضوع لأن هذا ليس قسم اشهارى


بالتوفيــق لكـ

شكرا ياحبيبى على المجامله دى بس بصراحه مش انا اللى مالفه دا واحد صاحبى
وبالنسبه للرابط يااخى المنتديات نفسها اشهار جات يعنى على المنتدى ده

ياجماعه انا هضيف الحلقه التانيه اهى بس والله مش هعرف اضيف باقى الحلقات لانها فعلا حصريه لمنتداى وانا لسه مكملتهاش اصلا فى المنتدى تبعى

الحلقه الثانيه

انا والكابتن حسن قاعدين في كارلوس كافيه بنشرب عصير قصب
واحنا في وسط الحديث المهم لقيت واحد داخل جري بيكهام افتكره حاس ياخد توقيعه هو
طلع جاي ياخد حديث صحفي معايا
وبعد ما خلصنا الحديث وازاي انا كافحت عشان الاهلي يلعب في الدوري الانجليزي
الصحفي قالي:هو مين الكابتن اللي قاعد جمبك ده سحنته مش غريبة عليا
قلتله:يا عمي ده بيكهام
كابتن حسن حمدي قالي:بصراحة انا اتخنقت من بيكهام ده....محدش يعرفه خالص
قلتله:ده
عشان انا قادع معاه بس...لما بيكون لوحده بيبقي غير...ده احنا واحنا
ماشيين في سويسرا الناس كانت بتبصلنا وتقول مين اللي ماشي جمب بيكهام ده
قالي:يا راجل
قلتله:حغشك؟؟؟؟
قالي: ماشي ماشي
بيكهام قالي:هو احنا مش حنمضي ولا ايه
قلتله:اتقل...يا كابتن حسن عاوزين نخلص العقد بتاع الراجل
قالي:بيكهام
قلتله:اه
قالي:ماشي
خلصنا العقد
_ _ _ _ _ _ _ _ _ _ _ _ _ _
المحامي بتاع الأهلي في قضية الحضري طلب تاريخ الحضري كاملاً منذ قدومة إلي المشكلة الأخيرة
طبعاً الكابتن حسن حمدي مش حيقعد يعمل البتاع لوحده
كلمني وقالي تعالي يا احمد عشان نخلص الورق بسرعة
طبعاً انا استغليت الفرصة دي وماتخرتش
بس المشكلة اني كنت في سويسرا عشان بلاتر كان عاوزني في كام مشوار كدة
قلت بالمرة وانا هناك اعدي عالهارب اصبح عليه ونشرب انا وهو فنجال شاي وارجع مصر بسرعة عالنادي الأهلي عدل
رحت خبطت علي الباب بس بيكهام مكانش معايا بقي المرة دي عشان كان عنده تمرين مع الأهلي
المهم الحضري فتحلي قالي:مش ممكن احمد...انت في سويسرا من امتي
قلتله:مفيش
كلام مابينا...انا جاي اقولك انك ان شاء الله حتيجي علي الأهلي وتروح
ونبيعك لنادي السكة الحديد...وخلي سيون وبلاتر ينفعوك بقي
قالي:طب
بقولك ايه انا عارف معزتك عند الكابتن حسن حمدي...بالله عليك انا عاوز
ارجع...انت واقف ليه اتفضل ادخل... البيبسي عالنار والقهوة في التلاجة
قلتله:يا عمي انا مليش دعوة انا مبحبش القهوة...انا ماشي...سلام
مشيت طبعاً وفكتني منه خالص وهو عمال يحاول يرجعني وانا رافض تماماً إني اكلمه
انا بقي ركبت 128 ورجعت علي مصر
واحنا ماشيين علي طريق الاسكندرية زيونخ الزراعي الكاوتش فرقع
نزلت انا وكلمت مين بقي؟؟؟
كلمت بلاتر قلتله:ايوة يا بلاتر العربية عطلت...ابعتلي حد بسرعة
المهم بعتولي واحد ميكانيكي شغال في سويسرا
الراجل طلع نصاب وخد من بلاتر ضعف المبلغ المهم مش موضوعنا
انا رجعت الاهلي وهناك قابلت طبعاً أعضاء النادي كلهم عارفيني عشان انا اللي خليت الأهلي يلعب في الدوري الانجليزي
وعمالة تشاور عليا وتقول البطل اهو وبتاع
وصلت مكتب حسن حمدي لقيته قاعد في المكتب مع الخطيب
قلتلهم:خير
الخطيب
قالي:احنا بنحاول نجيب لعيب سوبر بس الموضوع ده ميطلعش برة عشان انت عارف
احنا داخلين علي دوري انجليزي وعاوزين نلعب في دوري أبطال اوروبا وبتاع
قلتله:
متخافش خالص...روني مستعد ييجي...وكرستيانو كان بيلمحلي انه عاوز
يلعب...واحنا عندنا بيكهام وابو تريكة وبركات...نجيب بيتر تشيك وناخد
الدوري...والكوكا عليا
قالي:ماشي جيبلنا الناس دي كلها
وسيبنا احنا نكتب تاريخ الحضري للمحامي عشان يشوف هو حيعمل ايه
انا بقي سيبتهم ومكانش في جيبي غير ربع جنيه
نزلت ركبت الترام العابر للقارات واديت للكمسري ربع جنيه قالي لأ ده الترام غلي بقي بنص
انا قلتله:طب انا حدفع بعدين
قالي:براحتك ... انت نازل فين
قلتله:انا نازل في مانشستر
قالي:طب بسرعة عشان فاضل محطتين علي مانشستر
بالصدفة قابلت كرستيانو في الترام
فرحت سلمت عليه
وطبعاً دفعلي هو وقلتله عالحكاية والرواية وانه لازم ييجي يلعب في الأهلي
قالي:ماشي ... عشان انت اللي عرضت عليا انا حفسخ عقدي مع مانشستر واجي العب في الأهلي
قلتله:بقولك ايه متروح تكلم الواد روني عشان ييجي يلعب عندنا..ولو قابلت تشيك قوم معاه بالواجب
طبعاً رونالدو ميقدرش يرفضلي طلب
راح كلم روني وتشيك والحمد لله وافقوا
في
الحلقة القادمة من الأهلي في الدوري الانجليزي:الأهلي يبدأ مشواره بمباراة
نارية مع تشيلسي...وبيتر تشيك يتعرض للاصابة في وسط المباراة

والله انا لسه حتى ماحطيت الحلقه التالته وكده انا ماشى معاكم حلقه بحلقه

http://m3anaonline.ahlamontada.com/montada-f10/topic-t94.htm

الرجاءء التثبيت

جميل بتوفيق

انا مستني تنزيلها من حضرتك
عشان بجد ممكن نعملها في رمضان

ههههههههههههه بالتوفيق

مشكووووور جدآ

بجد اكتر من رائعة

يسلمووووووو

جميل جميل جداااااااااا شكرااااااااااااا لك

جميل جميل جداااااااااا شكرااااااااااااا لك

يعجز قلمي
عن وصف
عظمه كلماتك
ويتلعثم لساني
عند قراءه
ما تخطه
فتقبل اطرائي
البسيط
ومشاركتي
المتواضعه

شكرا على الموضوع الرائع

بارك الله فيك

ننتظر جديدك

تحياتي

مشكور يا {الغلا} على مواضيعكـ المميزة في {PUBARAB}
دمت {مبدعا} لنا ولا تحرمنا من كل جديد عندكـ