يامسجون بينى وبينى
وبين الفكره وممكن واقع
سر هواك ..أذاعو غُناىَّ
سرَّك تايه ..
روَّح نغمو الضايع
يامسجون بين بعضك وفاكر
تقدر تصنع سور لهوايا
أو تتمدَّد وتبقى حدود
ترسم خرطة ريد جوايا
غابت عنك قدرة ريدك
غابت عنك فكرة إنك
شتله بتكبر
شامخه بتكبر
حدها رافض
إبقى نهايه
وين الصدفه الكان بتجيبك ؟؟
الكنتا البتحلف إنها عيدك
وشوقنا خبيزو
وقولة أهلاً
عيون أطفال نقاوة ريدك
ما قمَّحتا الإيد الجاتك
فى عيد ممدوده
وخير بتزيدك !!
وينك أوّل يوم الصدفه
وتانى أياما
غيابك طوَّل
ولسه نريدك
وماإشتقناك لأنك غبتا
وإنتا معاى أشواقى سدينه
سدينة الخجل الراسم صوتى
إلا غيابك قوَّى حروفى
خلَّى الكلمه صريحه تجينا
أصلو الشوق باللهفه إتغطى
فضح الغنوه الجايه حنينه
ويانى بريدك
ساطعه بقولا
حرام الريده تبقى دفينه
(2)
يامسجون..
بينى و..بينى
كيف أديت السور الفُرقه ؟؟
وكيف لميت أشتات الهم
ختيتو فى غصه
تسافر عابره عيونى
تتوهَّط جوَّه الحلق !!
كيف سكَّنت الحزن الدم
ناثر
برَّه مداينو سعاده
شالت وكفَّت كل الخلق
كِملت عندى
وبدا يمتدَّ
جوَّه حدودى الغم
مين أداك القدره
تَكسِر لونى
تخلق طيفك
لون يديك الحق
وفرشه تشكِّل
رسمى وإسمى
وقفل أبوابى
مين أداك القدره
تخُش محرابى
ظلَّك
يحرق
نور قُدسيتو
همَّك يعصف
يكسر لوحو وسعنو
الكان بيشبِّع
كل مدينتو
مين أداك الحق
ذاتك تسكن روحى ؟؟
مين أداك الحق
تبقى جروحى ؟؟
مين سمَّاك المطره
وإنتا جفافك
يبَّس زرعى
شهَّى غصونو الحرق !!
مين سوّاك.. الساكن...
قلبى ؟؟
خاتى السوَّى
وسكَّن روحك
وروحك ضجه
ضجه بتصنع
بينك وبينى كل الفرق
يامسجون
بينى و..بينى
براك بنيت السور
وبرضك
ساجن روحى معاك
وبراك
هديت السور
مدينه بترقص إستقلال
حريّه بتشهق
ياخى بتزفر
راحه بلاك
وبين الفكره وممكن واقع
سر هواك ..أذاعو غُناىَّ
سرَّك تايه ..
روَّح نغمو الضايع
يامسجون بين بعضك وفاكر
تقدر تصنع سور لهوايا
أو تتمدَّد وتبقى حدود
ترسم خرطة ريد جوايا
غابت عنك قدرة ريدك
غابت عنك فكرة إنك
شتله بتكبر
شامخه بتكبر
حدها رافض
إبقى نهايه
وين الصدفه الكان بتجيبك ؟؟
الكنتا البتحلف إنها عيدك
وشوقنا خبيزو
وقولة أهلاً
عيون أطفال نقاوة ريدك
ما قمَّحتا الإيد الجاتك
فى عيد ممدوده
وخير بتزيدك !!
وينك أوّل يوم الصدفه
وتانى أياما
غيابك طوَّل
ولسه نريدك
وماإشتقناك لأنك غبتا
وإنتا معاى أشواقى سدينه
سدينة الخجل الراسم صوتى
إلا غيابك قوَّى حروفى
خلَّى الكلمه صريحه تجينا
أصلو الشوق باللهفه إتغطى
فضح الغنوه الجايه حنينه
ويانى بريدك
ساطعه بقولا
حرام الريده تبقى دفينه
(2)
يامسجون..
بينى و..بينى
كيف أديت السور الفُرقه ؟؟
وكيف لميت أشتات الهم
ختيتو فى غصه
تسافر عابره عيونى
تتوهَّط جوَّه الحلق !!
كيف سكَّنت الحزن الدم
ناثر
برَّه مداينو سعاده
شالت وكفَّت كل الخلق
كِملت عندى
وبدا يمتدَّ
جوَّه حدودى الغم
مين أداك القدره
تَكسِر لونى
تخلق طيفك
لون يديك الحق
وفرشه تشكِّل
رسمى وإسمى
وقفل أبوابى
مين أداك القدره
تخُش محرابى
ظلَّك
يحرق
نور قُدسيتو
همَّك يعصف
يكسر لوحو وسعنو
الكان بيشبِّع
كل مدينتو
مين أداك الحق
ذاتك تسكن روحى ؟؟
مين أداك الحق
تبقى جروحى ؟؟
مين سمَّاك المطره
وإنتا جفافك
يبَّس زرعى
شهَّى غصونو الحرق !!
مين سوّاك.. الساكن...
قلبى ؟؟
خاتى السوَّى
وسكَّن روحك
وروحك ضجه
ضجه بتصنع
بينك وبينى كل الفرق
يامسجون
بينى و..بينى
براك بنيت السور
وبرضك
ساجن روحى معاك
وبراك
هديت السور
مدينه بترقص إستقلال
حريّه بتشهق
ياخى بتزفر
راحه بلاك
. 
