هلي؟؟؟

هلي
تعبني الوكت
واهنا اريد ارتاح
مهموم ابغربتي
وماشفت راحة

طير وريح ضدي
والزمن رماي
بس گلي اشيطيره
الكسروا اجناحه

غرگت ابحر مظلم
من نشغة الموت .. ايريد سباحة
اسنين آنه ابغربتي
والنتيجة هموم

عالي الفرح عني
وعمري ما لاحه
عاركني الوكت .. وخسرت عركة موت
ولا واحد وگفلي
وطلع سلاحه

هلي وبالغربة تجفي
ولامحنة اهنا
ولا صوت العتاب
ايأثر صياحه

نحصدبالهموم
وناكل المحصول
خلص بينه العمر
بس تعب الفلاحه
يهلنا امضيعين . وطحنه بين اجناب

يهلنا اخلافكم
حسينه بالذله
تهنه ويه الحزن .. والدرب حيل طويل

وبس القاسي گلبه
اهناك يندله
هلي .. وبلكت مثلكم
نلگه ناس اهناك
لا .. چذاب .. كلمن يلگي مثل اهله
انه هسه ابگلب
بيه چوية الفرگه

هلي .. لا .. لا
مثلكم .. ابد ما الگه

خلوني ابوس اترابكم
وابچي اعله عمري الفات
احس من الفراگ
الروح محترگه

وخلوني اشم طيبتكم
ويه الريح
واتنفس هواكم
روحي مختنگه

هلي ويا طيفكم
باقي ويه رمش العين
مزروع ويه روحي
وبالگلب عرگه
ويا ثوب الصبر
كلساع اخيط بيه
صبح بخلافكم
ياهو اليجي .. ايشگه

وهلي نيران تنزل
والعيون ارماد
اظن حگه الگلب
من يشتعل حگه

هلي اتمنيتكم
يمي قريبين
واشم عطر الوفه
ليليه بيكم

هلي والغربة صعبه
اتهدم الحيل
كون اشتم هوى
اللي يمرعليكم
انام ويه الحزن
واگعد وانه وياه
واتذكر چنت اغفه
اعله اديكم

هلي ووسادتي
بالغربة الهموم
هلي .. وبس رسم
امشي ابطرگ الهدوم

هلي والفرح ضاع
ابين الايام
وما ادري الفرح
الگاه يايوم

هلي وشلونكم ..؟
وشلون بغداد ..؟
وشلون اصدقائي ..
وعتبه الدار ..؟
بعده الليل عدكم لمه احباب ؟
وبعده الگمر يمكم ؟
باقي خطار ..؟
بعدهن ..؟
ذكرياتي ..؟
وكتبي ..؟
واقلامي ..؟
وبعد ذيچ الرسائل
تحوي احلامي ..؟
هلي ..

وكل ذكرى يمكم تاكل ويه الروح
واحس كل صغري صاير
هسه گدامي
وغربنه الزمن بين المحطات
ولگينه الدمع واگف
ينتظرنه

بعدنه اصغار واكبر منه الهموم
وحزن ابحزن جبناهه
وكبرنه
لا بينه صبر لا نحمل اهموم
وعلى عمر المضى
اشينفع صبرنه ..؟؟

لا يازمن
ارحم دمعة العين
وشوفنه الفرح
بآخر عمرنه
باخر عمرنه

ششكرا لك
تغنينا بما امتعتنا به من ابداعات
بارك الله فيك
لا تحرمنا ابداعك

عفـوآا واجبــي..|}

السلام عليكم



شكرا لك .. و بارك الله فيك على الشعر المميز



تقبل مروري

شكرا

مــــشكور مٌـُــٌوُضُـُــُـوُعُ رُااُقُــُــٌيً ًفــُـيٌ قُــمُـــُهُ الُـُـرُوُوُعُــُـُـُـهُ
سُــُلـمُــُت يدآك عـلى الـمُــٌــوُضُــُـوُع الـجُـمــيـــُـــل
بـأنتظٌــُـٌـارُ أبُــُداُعــــُاتـــُكٌ
يعطـــييـــُـكٌ ألُــُف ألــُف عــافـُـــيـٌـــــُــهً

Hî~

شَكًرآإً عَلُىِ آلَمًرْوْرُ }

By~

في كل يوم يزداد تألقكِ

ومع كل مشاركة من مشاركاتك

تأخذينا بعيد هناك لنسير بين جمال

الحروف ودقة المعاني وجودة الكلمات

اشكرك كل الشكر علي روائعك التي تتحفينا بها

واتمني لك مزيدا من التقدم والابداع