تقاليد اخر زمن
مين عندها دم وراح تمشى بجسمها عريان
لابسالنا محزق وملزق وبلوزة ستان
والوش عليه جردل بويا بكل الألوان
ماشية فى الجامعة ووراها طابورين شُبَّان
خدعوكى فقالوا ان انتى كده لابسة هدوم
بقى تيجى الجامعة يا مسطولة بقميص النوم!
النوم سلطان..آه عارفة....وهبطل لوم
طب مامتك كده مش بتشوفك؟!آه يا عيب الشوم
بتقولى ايه؟ان أنا جاهلة؟!يا سلام يا سلام!
وان انتى البنت العصرية؟!بقى ده اسمه كلام
وان الخيمة اللى أنا لابساها تنفع فى مقام؟!
لأ سيبى النَّضَّارة فى حالها وخطوة لقُدَّام
بقى يعنى خمارى ده مش عاجبك!طب ألبس ايه؟
ايه يستر جسمى من نظراته ومن شر عنيه؟
ماهو معلشُ أصل أنا حرة وجسمى بغطيه
والموضة دى عالجزمة يا ستى لو هتعرِّيه
ومالها النضارة كمان..ليه مش عاجباكى؟
دى حبيبتى وبذاكر بيها كل محاضراتى
أنا طالبة علم ولابساها لو مش عاجباكى
مش هستبدلها باللينسز...خليها غايظاكى
وازاى بتآمنى على نفسك وعليكى العين
ماشية وعيونهم راح تاكلك زى المجانين
ومع ذلك لو جيتى بلدنا يطخوكى عيارين
ربنا يهدينا ويهديكى..اللهم آميييييييين
::::::::::::::::::::::::::::::::::::::::::::::::::::
اولا كدة محدش ياخد بالكلام اللى كتباة دة هههههههه
كل واحد يخلى على موضتة عادى جدا
ثانيا انا مش لبسة نظارة ولا خمار هى مجرد فكرة طقت فى دماغى بس
يعنى انا كمان ربنا يهدينى معاكم هههههههه
اشوفكم على خير
