الموضوع متجدد
وهبدأ معكم بقصيدتى ولا ألف عيد ياامى
ولا الف عيد وعيد
يوصف حبى ليكى
دا أنا لما بكون بعيد
بموت م الخوف عليكى
ولما بكون سعيد
بتبقى سعادتى بيكى
وحتى لو وحيد
بحس بروحى فيكى
ياأمى ياأغلى منى
قولى لى ايه أهديكى
أجيب لك قلبى منى
وأحطه بين إيديكى
ولا أبعد روحى عنى
و أحطها حواليكى
ياأمى بس اتمنى
وغمضى عنيكى
دا أنا بدعى ربى ياامى
انه من عمرى يديكى
او حتى يوقف دمى
بس م السوء يعافيكى
ياأمى ياشايلة همى
قولى لى ايه يرضيكى؟
أجيب لك نجمة من السما؟
تحبى أهديها ليكى ؟
دا انا لو هيجرالى العما
وعنية تغنيكى؟
دا أخلع عينى إنما
العين ماتكفيكى
دا أنا روحى مش كفاية
ولا ألف روح تفديكى
ولو قلبى مش معايا
بينبض قلبى فيكى
ياأمى يامنايا
قولى لى ايه يرضيكى؟
دى اول قصيده أكتبها فى منتداكم
اتمنى انها تنال إعجاب حضراتكم
