شعر سوداني مضحك

شعر سوداني مضحك

لكلّ شعبٍ من شعوب العالم حضارةٌ وثقافةٌ خاصة به تظهر من خلال أشعاره وكتاباته، والشّعب السّوداني شأنه كشأن باقي الشّعوب فيه الكثير من الشّعراء البارزين والمبدعين في فنّ الشّعر وفي مختلف الموضوعات.

فقد قال السّودانيّون الشّعر في الحبّ والغزل، ووصف الوطن وجباله وسهوله، وتغزّلوا بمائه وهوائه، وأنشدوا فخراً بأبنائه وعاداتهم، وموروثاتهم الحضاريّة الّتي تحدّثت عن أرض السّودان في حقباتٍ زمنيّةٍ متعاقبة، وبالإضافة إلى هذه الموضوعات الّتي تتناول مختلف جوانب الحياة إلّا أنّه كان هناك مجال للمرح والدّعابة عند بعض الشّعراء السودانيين؛ فألّفوا الشّعر الّذي يبثّ الفرح والفكاهة بين الأصدقاء، فظهرت عندهم بعض الأشعار الّتي تثير الضّحك، وربما السّخرية من بعض الأوضاع الّتي يعيشونها فيتناولونها بشكلٍ شعريٍّ مضحك.


اخترنا لك عزيزي القارئ بعضاً من الأشعار الّتي كتبت بالّلهجة السودانيّة بطريقة مضحكة جدا ً


الزول بقى يقرى الكلام وهو زعلان

جالو اكتئاب وصار تعبـــــان

كره حياته وصار ندمــــان

ترك النّت وهو غضبــــــان

وراح يدور على عروسة. سمرة

من كسلا وأم درمان

نا راسي جاط ما بين هواك والدبرسة..

ألّفت عشرين ألف بيت سبعين قصيدة مؤسسة..

عشان الفت انتباها ومرة اقدر احسسا ..

يا حلوة يابت هندسة..

ياحلوة يا زينة البنات يا نجمة الليل والميسا..

انا في هواك بقيت فتات ودخلت عشرين مدرسة..

في كلمات هواك بعبكي قاعد أتنفسا.......

ياحلوة يا بت هندسة ..

أكان شفتي يا بت هندسة..

خطواتي دايماً بالغلط وأموري ديمة معكسة ..

يوم داك مساهر في الهدوم وكويتا جت عشان ألبسة ..

لقيتا الصباح حقت أخوي وهدومي قاعدة مكرفسة ..

لكن ؟هواك اعمله ايه ؟!..

دشدش عظامي وهرسه ..

داير ليا فرصة أكون قريب ..حبكة قليبك افللتتا ..

عشان تشوفي في هواك بهدل عضامي وهرسه ..

كلمات ليكي اتبشت ما زي زمان مهندسة..

حتى الشعر الكان زمان كلماتو حلوة ملمسة..

حين أتلخم كيف بقى كده..مافيه كلمة هندسة.

وانتي السبب ..وانتي السبب في كل ده يا أحلى أسباب الأسى ..

أنا ياخ بريدك ..اعمل إيه..وريني يا بت هندسة..

امشي وكوريك في الزلط ياناس بريد بت

هندسة يا ناس بريط بت هندسة ..

كم مرة كم مرة قلت أقوم اقعد معاها واحدثها ..

لكن ما بقدر عديل ما اقدر انضم أونسا..

خليها من اشرح حالي وحبي ليك والدبرسة.. ويا.

.ويا هناية داير أقوليك كلام


ومن الأشعار السّودانيّة المضحكة أيضاً
النت ده حاجه عجيبة خلاص

تعرفت فيها على بت

راسلتها في الميل .. وبدى قلبي ليها يميل

غابت عني أيام وليالي .. دوّرت عليها في كل مكان

دوّرت عليها في (google )و(yahoo) وكتبت ياناس ياهو

حبيبي تايه وين ألقا هو؟ .. ولا حد رد عليا

نصحوني ناس الخبرات .. قالو لي دور عليها في الشات

الشات ده مليان بنات من كل الألوان والجنسيات

دخلت الشات .. ودورت من بين القنوات

ما لقيت نكها من بين النكـــــات

كلمت لي زول من اليابان خبير في الكمبيوتر فنان

قلتا ليهو هاو آر يو قال لي شنق ينق (فاين ثانكيو)

قلتا ليهو أنا من السودان .. مشتاق لحبيبتي ولهان

وده النك نيم ليها دلني عليهــا يا زول

أخد منّي الزول النك وقعد يتكتك تك تك تك

لحد ما لقاها !..

قالي ( شونق يق يق يو ) تلاقيها في الآيسيكو

دخلت ليها في (الآيسيكيو)

ولقيت حبيبي الّلي ضيعت

و بكل لهفة وشوق كلمتو..

قالت لي : بدك شــو؟!

قلت ليها انتي البنت اللي أدور عليها من زمان

قالت لي : أنتا من أيا مكان؟

قلت ليها أنا من السودان

وراسي مثل الرمّــان

وكرشي شوي مليان

ولوني أفتح من الخنفسان

قالت لي : شو أفتح من الخنفسان !

ما معئولة هيك انسان !

أنا بدي راجل فهمان أبظاي متل السوبر مان

ولونه أبيض فتحان .. مافي منو في البلدان

ولأني حلوة ومن لبنان

وبمشي متل الغزلان

وطرفي حلو ونعســـــــان

و وجي ينور متل الشمــــــع دان

ما بأبل أتجوز من السودان !

والا أفريقيا ولابلوشتنا!

بدي ويحد فتحان أبيض مثل الأسنان

ممكن يكون من لبنان

وإلا من شرق أوروبا

والا حتى من كردستان

لأني حلوي وبيضه من هذول أخلف صبيان


وهنا قصيدة أخرى

قلتي لي سموك ندي

وده منو السماك ندي

ده أكيد ابوك

انعل كده

فيك شنو يسموك ندي

في صوتك اتخن مننا

اضنين كبار زي دشنا

وبرضو سماك ندي

خشمك ده ريحتو معفنه

يديك كبار حقات بناء

وتقولي لي سماك ندي

المشيه كتاحه وغبار

كرشك تقول شايل جنا

وتقولي لي سماك ندي

قلتي ياهو ده في البطاقه اسمي ندي

شوفي يابت

مافيش علاقه بينك وبين ندي

خليها ندي

خالة قريبة جارة صديقة ناس ندي

مافيش علاقة

ندي في العيون

اكحل مجعد مسودة

إتي العيون فيهن قضا

ندي في الحواجب زي هلال

اتي الحواجب دلجه بس

قلم الحواجب هارده

وتقولي لي سماك ندي

ندي لما تبتسم.

آلف مولفه تسعده

واتي الخشم بالتلاليش

بس طبق مغطي صينية الغدا

ندي في الوشيش

نظرك بشيش ما يعقده

واتي الوشيش وش الدحيش

نخرين كبار بس كرعينردا

موضوع رائع
بانتظار جديدك
تحياتي

هههههههههههه

انا لا اري هنا فكاهه حتي يكتب هنا في نكت الكتابية من مفترض يكون في قسم المنتدي العام