اين ارشيف الشات؟

نسأل تانى
مين اللى مسح أرشيف الشات؟؟
تانى اهوه الارشيف ممسوح دلوقتى

انا اللى مسحها دلوقتى
بس مش انا اللى مسحها وكمان ايهاب و حمادة و احمد بليرود كان مسحها قبلى
السبب اللى بيخلينى ننظف الدردشة ان فى ناس بتتدخل كتير و ناس تحط صور
وناس تكرر الرابط فده بتقل الدردشة و الاعضاء هى اللى بتطلب التجديد
شكرا

عدل سابقا من قبل love-dark-mido في الإثنين 6 يوليو 2009 - 12:33 عدل 1 مرات

طيب سؤال يا ميدو لو سمحت
هل الادارة قالت انك تمسح الشات
او ايهاب يمسحها او اى حد؟
مش اتكلمنا فى الموضوع ده قبل كده؟

طبعا احنا غلطانين و بنعتزر

بس بجد الدردشة كانت تقيلة و معلقة

ميدو ما هو ماينفعش كل شوية احنا غلطانين و بنعتذر
ثم اساسا الشات مش تقيل
و الاشهار المتكرر بتاع المشرفين و اللعب بتاعهم بالالفاظ مع الاعضاء هو تقريبا اللى بيتقل الشات
و اكتر من شكوى حول انت و ايهاب و الشات و اكتر من مرة بلفت نظركم
طيب الحل ايه
نقول بلاش مشرفين فى الشات خالص و لا بلاش انتم بالذات بالشات؟؟
قولى انت لو مكانى تختار ايه

بصراحة على الوضع ده يبقى يستحسن ان مش يبقى فيه مشرفين فى الدردشة اصلا
ثم ايه لازمة استخدام الامر /clear هو مش معمول على الفاضى المفروض برده
ليه استخدام بس برده مش هنقول شلونا من الدردشة علشان كده طبعا اللى عايز يهشر
ويخالف هيبقى براحته على العموم مش هتفرق بالنسبة لى مش هموت يعنى هو مش
مسحت الاراشيف و انا عن نفسى مش هستخدمها تانى .
و ياريت تضمى المشرفين التانين للموضوع وتشوفى رايهم؟

تم ارسا ل الأمر الى فارس الدعاية يا ميدو
لأن بصراحة موضوع الشات ده انا زهقت منه
لان كل واحد سايب مهامه و قاعد فى الشات
فقمت بارسال رابط الموضوع لفارس الدعاية و ننتظر قراره

انشاء الله يرد على الموضوع

شكرا

عدل سابقا من قبل EH@B في الإثنين 6 يوليو 2009 - 22:13 عدل 1 مرات

ALEXA كتب:

و الاشهار المتكرر بتاع المشرفين و اللعب بتاعهم بالالفاظ مع الاعضاء
و اكتر من شكوى حول انت و ايهاب و الشات

1- ممكن اعرف ايه اللعب ده
2- ايه هى الشكاوى اللى منى و من ايهاب اذا كان فى اريد ان اعرف المبلغ و السبب
اللى يخليه يبلغ

وكمان قلي انت عقلك فاضي وصغير
فاسف طرته من الدردشة
ارجوا قبول الاعتذار

احمد لا تتسرع بالطرد الا بعد التنبيه

بعد شكوى العضو جيسيكا و لقينا تانى الشات ممسوح و ماعرفتش احكم فى الشكوى لأن ايدى متكتفة بمسح الشات
لذا قرار يا جماعة و لا تهاون فيه هذة المرة
ممنوع منعا باتا حذف الشات مطلقا
بصوا بقى
حتى و لو فيه صور وحشة
لو فيه شتيمة
لو فيه قرد بيتنطط ما يتحذفش خالص
انا هادخل كل شوية اشوف و اجدد
و على مسئوليتى الخاصة
و لو فيه مشكلة عويصة جدا جدا جدا لا تحتمل التأخير
انا موجوده 24 ساعة ما بين هنا
و ما بين منتدى الدعم و ما بين المنتدى بتاعى
سيبولى رساله بأى حتة فيهم هاجى جرى
جهازى شغال 24 ساعة
اعتقد كده علشان أسهل حاجه علشان المشاكل دى كلها تنتهى
و لا يوجد إستثناءات

انا مشفتش كلام فى الموضوع ده من ثبل وكنت بجدد الدردشة لانها بتبقى ثقيلة ومعرفش انه ممنوع

مش موجود كده فى القوانين

مش المفروض الى حط شكوة يحط صورة

السلام عليكم
حصل خير يا ناس. على العموم تم حذف حق الإشراف على الدردشة لجميع المشرفين عدى الإشراف العام تفاديا لتكرر هذه المواقف الى ان يتضح الأمر

فارس الدعاية كتب:

السلام عليكم
حصل خير يا ناس. على العموم تم حذف حق الإشراف على الدردشة لجميع المشرفين عدى الإشراف العام تفاديا لتكرر هذه المواقف الى ان يتضح الأمر

شكرا على الالزالة لدرجة انى اتشتمت اليوم من احد الاعضاء لما عرف انى ماليش قدرة على الاشراف

لا نقاش في هذا الأمر ميدو.

الإشراف في الدردشة من اليوم للإشراف العام فقط.

انتهى

فارس الدعاية كتب:

لا نقاش في هذا الأمر ميدو.
الإشراف في الدردشة من اليوم للإشراف العام فقط.
انتهى

لا انا مش بقول كده علشان ترجعونا اسف يعنى انا برده عندى كرامة مش هتفرق لو
بقيت مشرف بالدردشة بس لو انا هبقى مشرف على اساسا ان الرايح و الجاى يغلط فيها بقولكم اسف انا اختار كرامتى على الاشراف
شكرا