ميرسي جدا

السلام عليكم ،،

دلوقتي انا امبارح وضعت موضوع في قسم جمهورية مصر العربية
https://www.pubarab.com/t127476-topic#1053983

ووضعت فيه موضوع يوضح مريق دماء المصريين والذين يقدرون ب300 شهيد حتى الان

والموضوع دة انا جايبه من موقع هو اكبر موقع لكشف الوثائق السرية ، ولكني لقيت حامد قفل الموضوع وبيقلي ستعرض رتبيتك للسحب


اعتقد ان انا لما عملت الموضوع وضعت الرابط الاصلي لموقع ويكيليكس

ولمن لا يعلم موقع ويكيليكس ، فهو اكبر موقع لكشف الوثائق السرية ، ومعترف به في اكبر دول العالم
بل هو من المرشحين للحصول على جائزة نوبل للسلام

وانا لما وضعت الموضوع متوقعتش انه يتقفل ويحذف كمان

ولكن واضح ان كدا الموضوع مخالف
لمجرد وضعي لوثائق تضر وزير مقال ، بل يوجد ملايين تطالب بمحاكمته

اخي حامد ،، لا أعلم إذا ما كنت قد خرجت في مظاهرات الغضب
والتي طالبنا فيها بالحرية

ولكن انا لما قريت الموضوع من الموقع ، عرفت السبب في الناس اللي كانت بتتقتل جنبي
بجد مش هينفع في الوقت الحالي اننا نلغي الحوار في السياسة

لان معلش انا مستحيل الاقي اهلي في التحرير او في القائد ابراهيم بيقتلوا في بعض
وهدخل الاشهار ، عشان اعد العب في قسم الالعاب
ولا هدخل الدردشة عشان اهزر مع صحابي
ولا حتى هدخل اقسام وهدور ع مواضيع مخالفة ، عشان اكتب يغلق ، في الوقت اللي بتغلق فيه حياة ناس من اهالينا وصحابنا لمجرد معارضتهم لفكر نظامي فاسد

انا شايف اننا ممكن نفتح المجال امام الاعضاء للمناقشة ، لإن مينفعش مواقع رياضية زي فيلجول وغيره
غيرو نشاطهم عشان الوضع الراهن ، عشان يفضلوا كاسبين اعضاءهم
واحنا نقول ممنوع مجرد التكلم في الوضع الراهن
لان وبكل اسف لو تأكد ان ممنوع اي كلام في السياسة
هضطر اسفا اني اخد اجازة لحد ما الوضع يهدأ ، واطمن ع كل مصري بيؤيد أو بيعارض النظام الحالي
لان زي ما قلت مستحيل تجيلي نفس ، اهزر وانا شايف ع التليفزيون او في مواقع اخرى ، دم مصري بيهدر

والله انا اتكلمت بكل عفوية ، لان اعتقد مفيش واحد في ال50 الف عضو ممكن يحس بمدى الحزن اللي جوايا


يا رب بس مدخلش كمان ساعة الاقي الموضوع اتحذف


تحياتي لاشراف وادارة احلى منتدى عشت فيه احلى لحظات حياتي
واتمنى احس بالمواساة في اسوأ وأقسى لحظات حياتي

تحياتي
MarwanSoudies

تمام
كلام محترم جدا
ولكن اعتقد ان الشباب اللي نزل في التحرير
وعندنا في القائد ابراهيم
بمعنى اوضح
ال7 مليون اللي نزلوا
شوف كام واحد منهم
ملهمش غير الانترنت
شوف كل دول لو انت دلوقتي
اي واحد ، لمجرد انه يعرض خبر شافه من مصدر موثوق
بالقياس بية ، يبقى الواحد دة ، هيعرض للطرد وطبعا موضوعه للحذف

ودة طبعا ممكن يبعد عننا اعضاء مصريين كتير
لانهم مش لاقينن في المنتدى اللي مجمعهم ع مدار اكثر من سنة
يلاقوه بقى مقفول مجرد قول كلمة امن مصر ، او كلمة مبارك ، او او او ..

انا عن نفسي امبارح وانهاردة لغاية اللحظة دي
مش قادر حتى ابص في القسم اللي انا اشرفت عليه لمدة 3 شهور
بجد مش شايف قدامي غير دم الشهداء اللي بان لكل العالم


حراااااااااام نحرم الناس دي ، من مجرد ابداء رأيها بالأدب
اعتقد اني امبارح طردت عضو ، لانه شتم الرئيس مبارك في الدردشة
هل دة يعني اني مؤيد لمبارك
لأ انا يمكن مخنوق منه اكتر من العضو دة
ولكن حفاظا ع الأدب العام المعهود عننا ، طردته ليكون عبرة لغيره

ولكن اننا نقفل مجال النقاش ، نمنعه منعا باتا
فدة هيكون مستحيل


تحياتي

وفي انتظار اراء باقي الفريق

ملحوظة :: اعتقد ان موضوعي الي اتحذف كان بيهاجم جبيب العادلي

وع فكرة حبيب العادلي الان اعلن النائب العام
ان هذا الرجل ممنوع من السفر من البلاد ، وتجمد جميع حساباته البنكية
دة طبعا معاه عز وجرانة والمغربي


هل عرفتم الان ان انا عندي حق
ان اظهر فساد الراجل دة

هو الحرية بقت حرام

!!!!!!!!

لا يا راجل
هو انت شايف كدا بجد

يا ابني يا حبيبي

انت عارف ان انا مع ان النظام يبقى لنهاية مدته

ولكن مش معنى كدا
اننا منسبش ساحة للحوار للبقية
اعتقد ان امبارح دة مكنش بحث عن الحرية

دة كان متظاهرين عاوزين حرية
جة عليهم شوية بلطجية وضربوهم بالطوب وقنابل المولوتوف

واعتقد ان دة مش بحث عن الحرية

دة بحث عن الباحثين عن الحرية

السلام عليكم ورحمه الله
مع احترامى لك يا مروان
قوانين الاشهار واضحه كما قال حامد
ولكل منتدى قانون خاصة به
يمنع منعا باتا التكلم فى السياسة ومن يخالف يعرض رتبته للحذف

وكما تريد تغيب الى ان يتحسن الوضع
يغلق الموضوع

لمرور حامد
عذرا كابو ومروان

عفوا ياشباب انا هافتح الموضوع هنا واللي عايز يقول شئ يقولو هنا وانا هارد عليه
لان لازم تقتنع يامروان انتا وغيرك باللي بيحصل
الوثائق اللي انتا نقلتها من موقع ويكيليكس وهوا موقع عملتو الجزيره على بلوجر بالعربي
مدونه مجنيه عشان تضحك بيه عليك وعلى غيرك
واكتشفنا الكلام دا
ونجحنا امبارح طول الليل انا وايجي جوست ومجموعه كبيره جدا
اننا ننشر الكلام دا على الفيس بوك واليوتيوب ومدونات ومنتديات اخرى
ودا حقيقة اللي حصل يامروان
اقراه هنا وهوا للزوار مش دعوى للتسجيل
http://www.egydelta.com/t6077-topic

ودا رد على الوثائق اللي انتا جبتها اقراه بردو

http://www.egydelta.com/t6076-topic

وهاتلاقي كل الاجابات على اسئلتك
وتم المنع لعدم اثارة اي فتن يامروان وعدم النقل من مصادر حقيقيه
اهو الجزيره بعد ماكشفنا مخططهم الواطي امبارح جايين الوقتي يقول اصلنا كنا متهكرين بالله عليك
موقع الجزيره يتهكر ؟
دا حتى ماتوقفش عن العمل نهائي عشان يعيدو بثه من جديد
ياعم سيبك اقرا الموضوعين اللي بعتهملك دول وانتا تقدر تفهم

حبيب قلبي واستاذي الغالي/ حامد باشا

اشكرك كل الشكر لمجرد الاهتمام بموضوعي وفتحه مرة اخرى للنقاش

انا شفت رد حضرتك ع الوثائق
لقيت الاتي ::
يمكن تكون الوثائق دي مزورة
وانا من اول يوم في الثورة وانا عارف ان كل المصادر الخارجية بتحاول تهدم البلد دي
ولكن برضو عارف ان في عميل اسمه حبيب الظلمي كان ماسك الداخلية
واديه ان شاء الله هيتحاكم محاكمة عسكرية
ودم الشهداء دة يرجع
ولكن اعتقد ان من باب الامانة المهنية اني لما الاقي حدث زي دة انوه اعضاءنا ليه
لان لا يمكن ان تكون شبكة الانترنت بجميع مواقعها المصرية والعربية بل والاجنبية
في وادي واحنا في وادي اخر
واعتقد حضرتك لو كنت قلت كدا من الاول كنت اقتنعت


ولكن برضو انا ما زلت عند اقتراحي ان نفتح ولو باب بسيط
نناقش فيه الاعضاء عن ما يجري
لان الاعضاء محتاجة تعبر عن مشاعرها

طب تصدق وتآمن بالله : انا بقالي يومين قاعد ع الفيس وع الايميل
بحاور اصحابي عن اللي بيحصل ،لاني بقالي يومين مش بنزل خالص لاني مقتنع بالتهدئة .
بس مش قادر اشوف بجد ناس من اللي كنت معاهم بيقتلو في بعض ، وابقى شغال في الاشهار او حتى في منتدايا

فيا ريت حضرتك تنظر في الموضوع دة ، لانك مصري زيي وعارف انك حاسس باللي بيحصل اكتر مني

وربنا يهدي الاوضاع

يامروان افهم
معنى فتح الباب لمواضيع من القبيل دا يبقا هانتوه نفسنا كويس
ماكل ويه واحد هايجيب حاجات مزوره
وكل شويه نقعد نبحث ونرد عليها وفي الاخر يوصلو لتزوير ماعلهوش رد جرا ايه يامروان ديلعبه سياسيه واظن بانت من اولها
اما لو فتحنا باب النقاش الحر فيها زي مابتقول الوقتي
انصار فلان من الناس هاتعاند وتكابر بالغلط وبس ودا هايعمل نوع من المشاحنات وهايتم طرد اعضاء
يعني مثلا عندك كمثال واحد من الناس عندنا هنا في الاشهار تبع البرادعي وانتا بتقول انو انتا وانا والاغلبيه مع التهدئه
لما يلاقي ان الكل متكتل عليه كدا هايكابر لاني اعرفو شخصيا ومش عايز يعمل نفسو غلطان ومش عايز يبين انو غلط والناس كلها صح هاندخل بدور حزازيات
وشتائم يبقا خرنا بره دور المنتدى هنا نهائي
انا عندي منتدى وفتحت فيه باب الحوار والنقاش للموضوع دا انتا كذلك عندك منتدى ممكن تفتح فيه وغيرك وهكذا يبقا بدل ما تتركز في منتدى اشهاري لاشهار المنتديات يبقا بقا النقاش اكثر واوسع في منتديات تانيه
المنتدى هنا له قوانين وقواعد واسس تم بناءه من اجلها
غير كدا انا ارفض تماما اي نوع من الحوار في مواضيع زظي دي انا فتحت الموضوع هنا
عشان افهمكم انتم كمشرفين والدور عليكم تفهمو الاعضاء وانتم بتغلقو مواضيعهم
وعايزك تفهم
موضوع حبيب العادلي مش بس في دم الشهداء فقط لا دا فيه ملفات كتيره في سجل حبيب العادالي لازم يحاكم عنها انتا ناسي انو كل ظابطط له اساسا
7 خطابات اعتقال في مكتبو لازم يملاهم ولا ناسي الناس البريئه اللي لبسوها اسلحه ومخدرات وغيرو
ولا ناسي مظاهرات الجامعهات اللي مات فيها طلبه كتير
ولا اس البنات اللي اغتصبت من الشرطه في الحركات التانيه
لا ملفاتو كتير جدا
وعشان كدا افتح اللي انتا عايزو في اي منتدى غير الاشهار عشان مايتحولش الاشهار بعيد عن المطلوب منه

علم وينفذ يا ابيه حامد

وطبعا ة يرجع لادارة منتدانا الغالي

وع العموم انا شايف ان الموضوع بتاع المظاهرة هيولع
وهيخفف الحمل عن الكثير مننا

يبقى بنتظاهر الصبح وننزل نهزر في الموضوع دة بالليل

شكرا يا حبي

انا مش كاره والله يامروان وانا نفسي فعلا انو يتاخد بتهريج عشان كدا اتكلمت انا وداليا بهزار عشان زي مابتقول يخفف ولكن صدقني في ايادي هاتدخل عشان تثير الفتنه بين الموجودين وهانتصادالهم بالطرد
دخلنا بقا في موال انصار من ومين وحولناها لحرب
يبقا نحافظ هعلى اللامان هنا احسن

تماموز يا حامد
بس برضو مش هتفلت من البوسة

هههههههههههههههههههههه

تم الحل والنقاش
نتمنى لكم التوفيق
شكرا استاذنا حامد
يغلق