لو نزفت الشعر

لو نزفت الشعر في وصف الهنوف
ما يمـل القـاف مـن تلحينهـا

الغرير اللي لـه الخافـق يـروف
اشهد انـي غـارق فـي عينهـا

تجتمع في خلقته أبهى الوصـوف
والقمر غاب وخجل مـن زينهـا

مشيته كنه علـى حـد السيـوف
ناعمـه ملعـون سابـع لينـهـا

لاقبلت صفق لهـا كـل الوقـوف
ولاسـرت سـار قلبـي حينـهـا

قالت اكتب . منك يا زين الوصوف
قلـت وينـي والقصايـد وينهـا

من لمحتك ناسي كـل الحـروف
ما أفـرق سينهـا مـن شينهـا