كلامي لأى بنت حاطة صورها على الفيس
بوك او صور اصحابها على الفيس بوك
و يمكن البنت تلاقيها ماشية بالطول و
العرض و مش هاممها حد لكن وقت ما بتحصل مشكلة بتغرز على طول و بتقول يا
ريتني
هكلمك كأخت ليا و حاولى على الاقل تتقبلى كلامى و لو مش قدرتي حاولى
تدخلى تشوفى الموضوع مرة تانية و تفكرى فيه
البنات اللى بتحط صور على الفيس
بوك انا اسف الموضوع ممكن يطول بس حاولى تكمليه او حاول تكمله علشان تنصح واحدة
عندك فى الفريندس
انها تشيل صورها بدل ما تدخل تجاملها و تقولها سو نايس و
سو كيوت
هوجه كام سؤال للبنت اللى بتنزل الصور بتاعتها على الفيس بوك للى
رايح و اللى جاى و حاولى تجاوبي بصوت واطى لنفسك
هتعملى ايه لو حد اخد صورك
دى اللى انتى حاطاها و عمل حساب جديد على الفيس بوك بنفس اسمك
و بنفس
معلوماتك و بنفس شكل البروفايل بتاعك و ماحدش هيفرقهم من بعض
هتعملى ايه لو
اشترك فى جروبات و صفحات مش كويسة او بمعنى اخر سافلة و ضاف ناس مش كويسة على انه
انتى
طيب هتعملى ايه لو صورك اتركبت على صور عارية و ما اكثرها البرامج دى
سيبك من العيال اللى بتلعب ببرامج صور بتنزلها من البحث بجوجل
لا انا بتكلم
على المحترفين و بالبرامج المحترفة و مش هتتفرقى ان انتى حتى ولو صورتك الىل حاطاها
وجه فقط
هتعملى ايه لو ابن خالتك ولا قريب ليكى شاف الصور دى
هتعملى
ايه لما تتخطبي و فى يوم من الايام ربنا يتوب عليكى من النت و خطيبك يبقى قاعد
بالصدفة على الفيس بوك و يلاقى صورك منتشرة فى الفيس بوك
او ينزل فيديو من
احدى الجروبات و الفيديو بعنوان كلمة اولها ش الفيس بوك و تكون صور البنات و
ايميلاتهم و ساعات كمان ارقام تليفوناتهم
هيفكر فيكى ازاى و ردك عليه هيبقى
ايه ؟ كنت هبله ؟ و مش فاهمه ؟
طيب ما احنا فيها
اللى هتقولى يا سيدى
دع الخلق للخالق هقولها دى جملة أشتهر بها السلبيون والخارجون عن العرف والدين
ومعناها ( وأنت مالك ) ( سيب كل واحد فى حاله ) ( أنت هتصلح الكون ) ( ما تسيب
الغلط و أنت دخلك أيه )
و ده ضد الشرع و نهى عنه الاسلام فلقد أمرنا
بالاصلاح و الامر بالمعروف والنهى عن المنكر ومن أقوال رسول الله محمد صلى الله
عليه و سلم فيما معناها
لتأمرنا بالمعروف و تنهون عن المنكر أو ليبعثن الله
عليكم عقابا منه ثم تدعونه فلا يستجاب لكم و ايضا من رأى منكم منكرا
فليغيره
الامر بالمعروف والنهى عن المنكر واجب على كل مسلم حسب قدرته
وتأثيره
اللى هتقولى بقى انا واثقة فى نفسى و انا مالى بالناس هقولها جملة
صغيرة اوى دينا الاسلامي بيحثنا عليها دايما .. اجتنبوا الشبهات
و اللى
هتقولى انا قافله على صورى مش فاتحاها للناس هقولها فى ولاد بتعمل اسامى بنات و
حضرتك طبعا بمجرد ما تشوفى اسم بنت بتوافقى
هتقوليلى مش بوافق على الا الناس
اللى بعرفها هقولك الضرر ساعات مش بييجى الا من الناس القريبة و اللى مش متوقعة
انهم يضروكي
اما اللى محددة عينيها و مصورة عينيها و حاطاها دى مش هتكلم
عنها ربنا يشفيها قبل ما يهديها
صدقينى انا خايف عليكي حاولى تبقى غالية
قدام نفسك حاولى تحترمى نفسك علشان الناس تحترمك
انتى عارفة احنا الولاد
بنقول ايه على البنت اللى بتعمل ده ؟ سيبك من اللى بيقولك عسل و مزة و بجد ما شاء
الله و ربنا يباركلك و الكلام النفاق ده
اقسملك بالله و انا ولد و عارف انا
بقول ايه الولد اللى انتى ضايفاه لو خايف عليكى هيقولك شيلى الصور ماهو اسهل حاجة
يدخل ينافقك
و يا بخت من بكاني و بكى عليا ولا ضحكني و ضحك الناس عليا ..
نفسى بنت تجاوبنى و تقولى بتستفيد ايه لما تحط صورتها
طيب لو شيلتيها هتضري
؟ ماتبقيش سلعة بتعرض نفسها .. انتى غالية و غالية اوى كمان
اوعى تفتكري انى
ضدك و تقولى انت معقد ما الناس بتشوفني فى الشارع هقولك لكل مقاما مقال
اوعى
تحسبيها كدا لن بكل بساطة ضررك هنا اكتر بكتير من اى تشبيه فى بالك
مش عاوز
اقول لو واحدة من دول جربت و اتعرضت لموقف بايخ هتحس بإيه و ساعتها هتعرف انها
تافهه اخر حاجة
مش عاوز اقول ان فى شباب ماعندهمش قلب ولا ضمير ولا حتى
نشبهم بالشياطين دول افظع
حافظي على نفسك ولو مش قادرة حافظى على راجل
هتحملي اسمه وقت ما ربنا يكتب
يا ستي صورك افرحى بيها على جهازك زى ما انتى
عاوزة يا رب تحطيها على الحيطان فى البيت لكن ماتبقيش سلعة
طيب لما هى صح
ليه اللى حاطة صورتها بتشيلها فى رمضان ؟ او لو ارتبطت بولد و ضايفاه او قريب ليها
بتشيل الصورة
لو لقيتى نفسك مش مقتنعة بالكلام حاولى تدخلى تشوفى الموضوع
تانى فى امثلة كتيرة ابشع ممكن اذكرهالك لكن مش عاوز اطول فى الموضوع و حاولت
اختصره قدر الامكان مع انى عارف انى طولت فبعتذر
فكري انى ماليش مصلحة انك
تكونى كويسة او وحشة انا مالي انتى مش اختى ولا قريبتى و انا هتفرق معايا
ايه
لكن و الله العظيم الواحد بيلاقى البنت دى لما بتتورط فى حاجة بيلاقيها
ولا اى تصرف و ابوها و امها اللى بيدبسوا من الخلفة الصالحة اللى
مخلفينها
البنت دى جوهرة هو اينعم كتير منهن بقى عليهم طين مش تراب لكن
حاولى انه يبقى تين بس لانه سهل ينضف حتى ولو هياخد وقت
لان فى ناس تانية
بيكون بقى طبع و دى و العياذ بالله صاحبة مبررات لأى شيئ و كل ما تتخيلوا
فى
النهاية بقول ما يحدث مني من خير فمن الله و ما يحدث مني بغير ذلك فمني و من
الشيطان
بعتذر جدا للإطالة و لأى حد بيقول انت رغاى اخر حاجة و لكن بقولك
انشر الموضوع لصاحبك او لصاحبتك حتى ولو هتقوليلها شوفى الاهبل ده بيقول
ايه
يمكن انتى مش تقتنعي لكن هى تقتنع .. سلام عليكم و بكرر اعتذاري للإطالة
منقول لتعم الفائده
