السلام عليكم ورحمه الله وبركاتهاولا احب اوضح ان نزل ديوان الشاعر عبد الله بن عميره 2008
ويحتوي الديوان الصوتي على قصايد
على الله
مساء الحب
شاطي الجروح
سالفتك
جلسه عاطفيه
سمي النور
وغيمه التوبه
الوداعيه
العزاء
شماليه
الصاحبه
بكور الوسم
مرتاح بالله
كذب وقتي
كيف حالك
راعي طويله
ماسمعته
الليله احلي
صيته
الحقيقه الشاعر عبدالله بن عميره ابدع مع يوسف شافي
كلمات التي تغني بها الفنان يوسف شافي للشاعر عبدالله بن عميره كانت لها النجاح الكبير الكبير
نتمنا ان يستمر التعاون مع هالشاعر المبدع يااليت الجمهور يوجه رساله
للشاعر المبدع عبد الله بن عميره الحقيقه اضاف الكثير ليوسف شافي وايضا
يوسف شافي اضاف له
وتلومني فيك
وتلومني فيك يوم اغليك
يأول همومي و تاليها
ابيع كل البشر و اشريك
بحاضر سنيني و ما ضيها
يا غايب صرت افكر فيك
يا ابغا جروحي و مشقيها
تطول في حروتي و اجيك
و الرجل تسبق خطاويها
اطلب حياتي و انا بعطيك
تستاهل الروح و اهديها
اشارة من نظر عينك
اجيبها لك و اوديها
قلبي يكلمك و يناديك
من غيرك الناس ما بيها
روحي بها محد يساويك
انت الدي ساكن فيها
العين في غيبتك تطريك
تبكي من فراق غاليها
يكفي عذاب الله يخليك
بعدك و صدك عنيها
قصيدة الحب بين يديك
ما ضنك تكون ناسيها
حروفها الدافية تطريك
و عيوني الدمع عاميها
تبي الصراحه
تبي الصراحه ترانـي صـدْق حبّيتـك
واحترت وشلون اعبّر لك عن اشواقي
تبيني اسكت ؟ سكـتّ وماتناسيتـك
الى متى اسكت ؟ سكتّ ولا بقى باقي
يابعد هالناس انا مـن قلبـي اغليتـك
حبك جرى فـالعروق وعاش باعماقي
أي والله اغليك صدْق وكـم تمنّيتـك
تروي ليالي الضما لو خاطري ضاقـي
باجيك كلّي غلا وان كان ماجيتـك
ابنتظر جيّتك لي واكشـف اوراقـي
انـا علـى موعـدك يامـا تحرّيتـك
ياللي بلقياك يفـرح قلبـي الشاقـي
مابين جفنـي وبيـن العيـن حطّيتـك
غب عن عيوني مدامك تسكن احداقي
لو تطلب الروح قلت "فداك" واعطيتك
مادام قلبي معـك لاتطـري فراقـي
عليك اسلّـم واذا ردّيـت حيّيتـك
تحيةٍ فيها اعبّـر لـك عـن اشواقـي
الوداعية
خلاص وش عاد باقي يانظر عينـي
...بكره بسافر ولا ظنيت بـه جيـه
بامشي مع الليل والغربه عناوينـي
...ماودي ارحل ولكن صارت النيـه
باودعك والمدامع منـك تبكينـي
...في الموقف اللي به الكلمات عفويه
باودعك والمشاعر بـك تعزينـي
...في دفنة الحب وقلوب الهوى حيّه
سيلٍ من الدمع به شـيٍ معنّينـي
...واحلا الليالي كما الصفحات مطويّه
واللي من الهم فيني منك يكفينـي
...حل الفراق وليالي الحـب منسيّـه
باخذ معي صورتك يمكن تسلينـي
...وقصايد الحب في شارعك مرميّـه
وانقش حروف اسمك بقلبي وبيديني
...واكتب قصيده واسمّيها الوداعيّة
لعيونك
لعيونك اسهر ليالـي الحـب مانامـي
ولعيونك اكتب قصيدي واحسب ايامي
لو تطلب الروح خذها جملة اعوامـي
ولو تطلب الشوف مني قلت لعيونـك
واللي خلقني احبـك كثـر تعذيبـك
اغليك وارخص غلا غيرك واماريبـك
الحب حبك وزود الطيب من طيبـك
شَرّعت بيبان ليل الوصـل لعيونـك
لايابعـد روح روح مسامـر الحيـره
دربي لبيتك تـرى كثـرت مشاويـره
والقلب يشكي لهايـب جمـرة الغيـره
يقضي ليالي العنـا ويقـول لعيونـك
ياساحر الصوت لدّ بعينـك النجـلا
نظرة عيونك تبـل عروقـي الذبـلا
ومذاق صوتك كما شهد العسل واحلا
والعين لاغمّضَـت تشتـاق لعيونـك
الرسالة
جاء يودّعني وفـي يـدّه رسالـه
والدموع تسيل من عينـي وعينـه
قلت" احبك" قال انااطلبك الجماله
استر اللي شفتـه بزينـه وشينـه
ماتخيّلـت المـوادع يـوم قالـه
في يديني كنّهـا ترجـف يدينـه
للمتاهه كيـف جرّتنـي حبالـه
والليالـي وقّفـت بينـي وبينـه
الرساله مااكتفـت تبغـى إطالـه
والمساحه الخاليـه عنـدي ثمينـه!
طَرَّز الالفاظ مـن روعـة جمالـه
والعبـارات بمعانيـهـا متيـنـه
اطلـق افكـاره ولاقَيَّـد خيالـه
وارسل ابياتـه وذكرانـا الدفينـه
راسمٍ قلبـه وانـا قلبـي بكالـه
راسمٍ سهمين وحـروفٍ حزينـه
دَوَّن التوقيـع باسفلهـا وشالـه
طامعٍ في حبنـا ترجـع سنينـه!
قال يمكن حبنـا يسطـع هلالـه
مادرى ان الوقت للماضي رهينـه
الزمن قَرّر مَحَـد يوقَـف قبالـه
من تحـدّاه الزمـن ربـي يعينـه
انحنى راسي وضمّيـت الرسالـه
وجيت اضمّه واختفى ويني ووينه
على الله
على الله يازمن بشكي جروحي والليالي طـوال
عسى راعي العنا ينسى عناه وينشـرح صـدره
على الله يازمن بشكي همومي والهمـوم جبـال
تعدّت عاصمة حزنـي حـدود العالـم بأسـره
خساره يالسنين اللي كتبتـي سيـرة الرحـال
فرحت امس وحزنت اليوم بس الخوف من بكره
لساني كم شكى صمته والى منّه حكى ماقـال!
طغى طبع السكوت بسيرة المحروم من صغـره
سقى الله يوم كنت اضحك وبالي مستريح البال!
ضحوكٍ ماعرفت الحزن وش معناه وش قـدره؟
وكبرت وكبرت احلامي وصارت قصة الترحال
اماني في مهب الريح وحلـمٍ ماكتمـل بـدره
بعذر اللي مع ايامه جلس يبكي على الاطـلال
تذكر ماضـي افراحـه اليـن خنقتـه العبـره
عزيزه يالعيون اللي حضنتـي دمعـة الرجّـال
حبستي دمعته بين المحاجر يـوم ضـاع امـره
عزيزه يالحروف اللي سكتـي والكـلام يقـال
حكيتي.. ماشكيتي الهمّ وهمّ القلـب ياكبـره
عزيزه ياليدين اللي ثنيتك باصعـب الاحـوال
اكفّك ساعة الحاجه وامدّك ساعـة القـدره!
وعزيز النفس لو يصبر على صبر الليالـي نـال
ابصبر والرجل يصبر ومقياس الرجـل صبـره
انا منهو حمل همّه على راسـه تقـول عقـال!
مجاديف الزمن دارت عليه ونَسّـف الغتـره!!
وانامنهوفقدصوته وبعض الصوت بـه مـازال
دعيـت الله يفرّجهـا علـيّ وبحَّـت النبـره
أشيل الحمل عن غيري وحملي صـار ماينشـال
كماالشيخ الهزيل اللي مشيبـه منقـضٍ ظهـره
جروحي مزنةٍ منها هطل فيض الشعـر همّـال
سقت جدب العروق اللي تبلل ريقهـا قطـره
وعن حر الزمن صارت حروفي للجروح ظـلال
تذرّت عن هبوب الياس حلمٍ قد بنـى قصـره
عساها للمطر روحٍ بها وادي الظمـا ماسـال
عروق سنينها جفّت وورّاهـا الزمـن غـدره
عساها للمطر روحٍ قضـى مرباعهـا ماطـال
كساها ثوبها الاصفر.. وكانت تلبس الخضـره
على الله ينجلي وقتٍ قضيتـه هـمٍ و غربـال
ويشعّ النور في قلبٍ غشى ليل الظَلَـم فجـره
على الله والولي الله وبامـر الله يزيـن الحـال
ويضحك للزمن قلبٍ مع همومه قضى عمـره
شمعة الروح
اشتقت لك والجروح بشوفتك طابت
اوفيت وانا احسبنك كنت ناسينـي
رجّع لنا العمر يوم قلوبنـا شابـت
زهرة شبابي عيونك واجمل سنينـي
ياموقد القلب تو الشمس ماغابـت
خلّك معي لين اشوفك تحترق فينـي
ياشمعة الروح توّ الـروح ماذابـت
اشعلتني لين بان الشوق فـي عينـي
اشتقت لك والجروح بشوفتك طابت
سولف يابو ضحكةٍ لامت تحيينـي
رجّع لنا العمر يوم قلوبنـا شابـت
زهرة شبابي عيونك واجمل سنينـي
عيونك الساحره وسط الحشا صابت
تذبح واذا سلْهَمَت بالرمش تشفيني
العمر يفنـى ويبقـى حبنـا ثابـت
وان غبت عن ناظري صوتك يناديني
الهقوة اللي خذتني فيـك ماخابـت
اوفيت وانا احسبنك كنت ناسينـي
الرساله
جاي يودعني وفي يده رساله
والدموع اتهل من عيني وعينه
قلت مقدر...... قال أنا رد الجماله
استر اللي شفته بزينه وشينه
ماتخيلت الموادع يوم جاله
في يديني كنها ترجف يدينه
للمتاهات جرتني حباله
والليالي وقفت بيني وبينه
الرساله مااكتفت تبغى اطاله
والمساحه الخاليه عندي ثمينه
كاتب حرفه وأنا حرفي بكاله
راسم قلبين وحروف حزينه
دون التوقيع باسم الهاء وشاله
طامع في حبنا ترجع سنينه
قال يمكن حبنا يسطع هلاله
مادرى ان الوقت للماضي رهينه
الزمن غدار لاأحد يجي قباله
ومن تحدى هـ الزمن ربي يعينه
انحنى راسي وضميته برساله
وجيت أضمه اختفى وهو وينه
وفا بوعده
وفا بوعده وخلاني أعيش بهمي من بعده
وفا بوعده ولاجاني وأنا المحروم من بعده
خساره ماتوقعته يخون وينهي أحلامي
وأنا اللي كنت أظنه هو حياتي وأجمل أيامي
خلاص انسى الغلا وانساه ولاتفكر أبد تهواه
وإذا هزك عليه الشوق ماظنيتك بتلقاه
ذبحني بغيبته عني غلط ماجاء يصالحني
وماكنت أعتقد أنه هو يجي في يوم ويجرحني
أنا قبلك ترى مجروح من أيام السهر والنوح
حياة الحزن والآهات ترى مالك بها مصلوح
أبدفن باقي أشواقي ولاأبكي على فرقاه
مادام إنه قوى فراقي قلبي بعد يقواه
